3/6/2009


6月了....訓左成week醫院還真不舒服...,本來應該今week都係醫院度過,但係無奈要考試,放監1week..,8號又要返入去,腳依舊的令人痛不欲生,止痛藥也不是萬能呢...,琴日考試出貓大成功,tony 比我技術性擊倒,哈哈, 之後係canteen 打機,打到差唔多12點出去lunch lu,搭的士落新世紀,今日第一次食 "freshness burger" 個包真係無敵的好食, 但係一個set要成57$ 哈哈,不過算啦 久唔久要豪下,食完之後搭火車返上水轉的士back home

23/5/2009


話咁快連final year project 都present 埋了,不過一d都唔覺得輕鬆左...,病魔纏身還真煩呢..,腳一直痛一直痛,琴日present 完同一大班人落mk食lunch,total 20位,好耐都冇試過...,食飯果時隻腳又開始痛..,坐得勁唔舒服,之後去ua 睇下有冇飛買..,點知full哂, 跟住又要行返去boardway, 果陣時2點半到,買左1555既飛,之後落左kfc hea, 10個人,係度玩psp,玩到咁上下就上戲院lu,睇翻生侏羅紀 2,都幾好笑既,睇完過左朗豪,本來諗住係m 記坐下等佢地算,點知多人到嘔泡,之後去搵下朗豪入面d chair 坐下,同becky 坐係度傾計,真係好累0.0,之後佢地打黎話food court 有位 就落左去,隻腳又開始痛,係food court 坐到7點到走人,等埋佢地禁錢,又食左2粒必理痛...,止痛藥真係一個偉大既發明,跟住去金雞度打邊爐,個沙嗲湯低真係好沙,不過好似唔夠味,食到ok full 就算,廢事食太飽0.0,食完都走人,各散東西,因為隻腳好痛,所以就慢慢行去火車站,第一班車勁full,等多班先上,以為都冇位時,咁岩有人起身走,不過坐係度壓住個屁屁都勁唔舒服...,返到上水落雨so 搭taxi back home, 勁累@@,thx dad 幫我按摩,不過好痛..,跟住成晚都訓得唔錯,好耐未試過一訓到天光了....

唔知d痛仲要跟住我幾耐呢....

5/5/2009


食左抗癌已經差唔多一個week了..,周身肌肉都痛...,又唔係話好痛...,但係郁唔想郁...

24/4/2009


話咁快又到覆診既日子,琴晚訓得勁差...,成晚勁多夢好似冇訓過咁...,我諗認真訓到得1個鐘到...,一早0645就起身梳洗,0730就出門口去搭火車lu,指定動作戴口罩,搭到去火炭轉小巴,0830就到左威爾斯lu,之後上10D打比葉姑娘,佢黎到一開始就幫我抽血,wa...今日抽左好多支,最慘係佢話有人汁溜左支筒比佢...,果時已經抽完用沙布禁住個傷口,之後佢拎返個筒,用支針吉返同一個傷口落去抽血...但係佢抽極都抽唔到,搞到勁痛,之後佢決定吉過第2個"燶",跟住就好快抽完,之後hea左陣跟住個姑娘整左d手續,就去等做心臟超聲波,wa.....做左勁耐...,一開始搵個護士長黎幫我做,之後好似做唔掂搵個醫生黎= =,做左成半個鐘先搞掂,之後拿拿聲去照埋 x-ray,跟住就上返10D見醫生lu,其實今次都冇乜野講,up 左幾句就走,之後交埋問卷做埋心電圖,係醫院canteen 食lunch..,好難食..,食完之後見社工...,之後就走人lu,下week 1應該就返去食抗癌藥

15/4/2009


今日覆診...,晨咁早起身換衫去醫院,去到等抽血等左成粒鐘.......,個姑娘都唔知識唔識抽ga....鬼死咁痛..,抽完血之後去canteen 食早餐,食完早餐係canteen到hea,打機聽歌,10點半到就上去病房搵醫生lu..,上到病房照舊量血壓同體溫,係度坐呀坐呀,又差唔多坐左成粒鐘,終於見到醫生了,係度傾下點做,醫生講了,10個骨髓移植可能會有1個出唔返黎......,所以都係要參加個研究食住藥先...,醫生話頭幾年都應該冇咩問題wor...,過多幾年就唔知...,叫 bro & sis 去驗左骨髓先...,遲d真係有咩事先移植,醫生話因為骨髓移植要幫我落好重既化療/電療殺哂我既骨髓先再移植人地果d...........,下week 5 再返去覆診,做body check, if everything is ok,跟住就開始食果d真真正正既抗癌藥